Friday, July 15, 2016

හැලපැට්ටා ගේ ආගමනය, සිහිනයක්ම වුන කොස් සහ තමිළිනී ගේ පොත.






















අවුරුද්දකට පසු හැලපැට්ටා සිය දෙමාපියන් බලන්නට ආවේය.   ඌ එනවිට ගෙනා දේ අතර මේ පොත් දෙකද විය.   පොත්වලට අමතරව ගෙනා  බොහෝ රසකැවිලි වර්ග ද විය.   මට විශේෂයෙන් අවශ්‍ය කර තිබුණේ කොස්ය.  කොස් තම්බා කිරිහොදිද, කරෝල බැදුම්ද, බැදපු මිරිස් ද සමග කන්නට එක ආසාවක් විය.   අනෙක් ආසාව වූයේ කිරිකොස් කන්නටය.  මේ ආසාවන් දෙකම සපුරාගනු වස් හැලපට්ටා අතේ පැහුණු කොස් ටිකක් ගෙන්වාගන්නට කටයුතු සුදානම් කළෙමි.   සාමාන්‍යයෙන් කරන විදියට කොස් මදුළු ගලවා පාර්සල් කර ගෙනාවොත් පැය කීපයකදී ඉදෙන්නට ගනී.  මේ අත්දැකීම මීට ඉහත කීපවතාවක්ම විඳගන්නට සිදුවූ නිසා මේ වතාවේ මම කීවේ මදුළු නොගලවා වහල්ල පමණක් කපා දමා  ඉරිපිටින් කොස් ගෙනෙන්නට කියාය.   වැඩේ ඒ අකාරයටම සිද්ද විය.   පසුවදා දවල් හැලපිය කොස් තම්බන්නට සුදානම් වුවාය.   කොස් පාර්සලය ශීතකරණයෙන් එළියට ගද්දිම අමුතු සුවඳක් ආ බැවින් වැඩේ කෙළවී ඇති බව ඇය වහාම තේරුම් ගත්තාය.  ගෙනා කොස් සියල්ලම ඉදී තිබු බැවින් කොස් කෑමේ සිහිනය නැවත වරක් සිහිනයක්ම වූ අතර   අමතරව ගෙන්වාගත් මඤ්ඤොක්කා සහ වල් සුකර මාංශයෙන් සැනසෙන්නට සිදුවිය.

ඉතිං මා කියන්නට ගියේ ලංකාවෙන් ගෙනා ඒ හැමදේටම වඩා මට වටින්නේ මේ පොත් දෙක කියා ය.   තමිළිනී ගේ පොත මා මේ දිනවල කියවාගෙන යමි.  අනෙක් පොත කියවන්නට වෙන්නේ ඊළඟටය.  තමිළිනී ගේ පොතේ මා කියැවූ හරියෙන් කොටසක් ඔබේ රස වින්දනය සඳහා මෙලෙස ඉදිරිපත් කරමි.

"කිසිදා අමතක නොවන අත්දැකීමකට මම දිනක් මල්ලාවි ප්‍රදේශයේදී මුහුණ දුන්නෙමි.  පිරිස් බඳවාගැනීමේ සටන්කාමීන්ගේ අදහස් වලට වශීවී සංවිධානයට එක්වූ උසස්පෙළ අධ්‍යාපනය ලබමින් සිටි ශිෂ්‍යාවක් පුහුණුව සඳහා යොමුකර තිබුණාය.   දිනක් ඇයගේ පියා අපේ කඳවුරට පැමිණියේය.   ඔහු වෙනත් මවුපියන් මෙන් සටන්කාමීන්ට බැණ  වැදීමක් හෝ තම දියණිය ඉල්ලා අඬා වැලපීමක් හෝ කළේ නැත.   දෙපා අක්‍රිය ඔහු පැමිණ සිටියේ රෝද පුටුවක උපකාරයෙනි.   ව්‍යාපාරය වෙනුවෙන් ඔහු සමග කථා කළයුතු වන්නේ මාය.   "නංගියේ මං අන්ත දුප්පත් හිඟන්නෙක්.   හම්බවෙන කුලියක් මලියක් කරලා ලැබෙන තුට්ටු දෙක එකතු කරල තමයි මගේ කෙල්ලට ඉගැන්නුවෙ.   දුව අරගලයට එකතුවුණ එක ගැන මගේ දුකක් නෑ.   ගමේ රටේ සිද්ද වෙන දේ නේ ඒක.   ඒ වුණත් දුවේ, හෙට පිටරටවල ඉඳන් දොස්තරලා,ඉංජිනියර්ලා වෙලා ඉගෙන ගන්න අය මෙහෙට එනකොට රට වෙනුවෙන් සටන් කරපු මගේ දුවයි, අපේ පවුලයි  ඒ අය ඉස්සරහ ඉගෙන ගත්තෙ නැති හිඟන්නෝ හැටියට නේ ඉන්ඩ වෙන්නෙ.    ඒ ගැන හිතනකොට තමයි මට දුක" යැයි පැවසුවේය.   පියාට මම කොයිතරම් සැනසිලි බස් පැවසුවත් මගේ සිත තුළ ඔහුගේ ප්‍රශ්න පිළිතුරු නොමැති ප්‍රශ්න ලෙසින් තැන්පත්ව ඇත.   එයට පසුව එම පියා හෝ එම දියණිය හෝ කිසිම දිනෙක මුණගැසුණේ නැත.  එහෙත් කඳුළු සමගින් පිටවූ එම වදන්වල සිරව තිබූ සත්‍යය මගේ හදවත පාරන්නට විය. "

මහින්ද ප්‍රසාද් මස්ඉඹුල ගේ පොතද කියවූ පසු ඒ ගැනද යමක් ලියන්නට සිතා සිටින්නෙමි෴

18 comments:

  1. හැලපේ බ්‍රහස්පතින්දාට MQ කිම්ජි එකේ හරි ලුලූ හරි ට්‍රයි කරන්න, අමු කොස් හොයාගන්න පුලුවන්....
    තම්ලිනීගෙ පොත ඉක්මනට කියවන්න ඕනි...!

    ReplyDelete
    Replies
    1. මේ යකා මිඩ්ල් ඊස්ට් වල කොස් නෑ වගේ නේ කතා කරලා තියෙන්නේ... මෙහේ ආපු අරාබියොත් අරගෙන ගිහින් කනවා... සමහර උන් එන්නෙත් ජැක් ඇන්ඩ් ජැක් ෆෘට් හොයාගෙන... විශේෂයෙන් ඔය රටේ උන්...

      Delete
    2. මාතේ..මට පේන විදියට හැලපේ ගෙදරින් එලියට බහින්නේ නැති පාටයි....!

      Delete
    3. කිම්ජි එකේ අලුත් නම SPAR වේ. ඉන්දියානුවන්ට කොස් තම්බා හෝ මලවා කෑමේ සිරිතක් නැත.උන් කන්නේ පළතුරක් වශයෙන් වරකාය.ඒ නිසා ඉදෙන්නට පෙර කොස් කඩවල නැත ඇත්තේ වරකාය.මේ ගැන පෝස්ට් එකක් ලියන්නට තරම් කරුණු ඇත.

      Delete
  2. තමලිනීලා මේ වැරැද්ද කලේ ඊනියා න්‍යායාචාර්ය වරුන් විසින් අති සාර්ථකව කල මොළ සේදීමේ ප්‍රතිඵලයක් ලෙසය.

    එපමණක් නොව 1971 දී සහ 1988 දී දකුණේ තරුණ පිරිස් ආකර්ශනයවූ සටනද අවසන් වුයේ මිනී කඳු සහ ලේ ගංගා සමග එංගලන්තේ ඉගෙනගන්න පුතාලා සිටින නායකයන් සහ, එදාවේල ක්‍රමයට දේශපාලනය කරන ජෝකරයන් පිරිසක් ඉතිරි කරමිනි.

    ReplyDelete
  3. ජෙයක්කුමාරන් කියල ලියල තියෙන්නේ ඇයි , අපි ජයකුමාරන් කියන එක වැරදි නිසාද , ඔය පොතනං ඉක්මනට කියවන්ඩ ඕන

    ReplyDelete
    Replies
    1. atamo e kale hitiya hira karayek Selva kiyala eka LTTE Hard Core. api ekka fit una ambaenta mu nidahas wela kaggale paththen kasadayak karagena innawa sinhalayek wagema

      Delete
  4. 'අවුරුද්දකට පසු හැලපැට්ටා සිය දෙමාපියන් බලන්නට ආවේය. '

    හැලපට්ටා ඉන්නේ හැලපයියා සහ හැලපක්කා සමග නොවේද? හැලපයියා ඉන්නේ මැදපෙරදිග රටක බව සිතමි. එතකොට හැලපැට්ටා? හැලපැට්ටා මගේ කොලුවාගේ වයසේ බව සිතමි. මට නං ඌව නොදැක අවුරුද්දක් තබා දිනක් වත් සිටිය නොහැක.

    ReplyDelete
    Replies
    1. හැලපැට්ටා මේ කාලයේ විදේශ රටක උසස් අධ්‍යාපනය ලබයි.ඔහුගේ ග්‍රීෂ්ම නිවාඩුවට ලංකාවට පැමිණ අප සමග ගතකරන්නට දැන් මෙහි ඇවිත් සිටී. නොදැක සිටීම අමාරු උනත් ඔහුගේ අනාගතය වෙනුවෙන් එය දරාගත යුතුය.ලෝකයේ කොහේ හිටියත් මොහොතකින් මුහුණ බලාගෙන කතාකිරීමේ පහසුකම් ඇති නිසා බොහෝවිට ඔහු අපෙන් දුරස්ව ඉන්නා බව නොසිතේ.

      Delete
  5. මානික්කාවත නම් මස්ඉඹුලගේ ෆේල් එකක්.. සමහරවිට එහෙම හිතෙන්නේ සෙන්කොට්ටන් එක්ක සංසන්දනය කරන නිසා වෙන්න පුළුවන්.. 'ජෙයක්කුමාරන්' කියන නමේ මැද තියෙන ක් අකුර මටත් අප්සෙට්.. ඕක වෙන්නේ දෙමළ පරිවර්තකයෝ සිංහල ලියනකොට..
    තම්ලිනි ගේ පොත තාම කියවන්න බැරි උනා..
    කෝ පනංගල අයියාගේ ඉතුරු ටික? :)

    ReplyDelete
    Replies
    1. ඒ පොත ෆේල් තමයි. සංසන්දනයක් අවශ්‍යම නෑ... මහින්දත් මොහාන් වගේ එකම පැත්තට ඇදෙන්න පටං ඇරං

      Delete
  6. මහින්ද ප්‍රසාද් මස්ඉඹුලගේ කවි රසයි.කතා පොත් නම් කියවලා නැහැ.

    තමිළිනීගේ පොතේ තියෙන කතාවද දන්නේ නැහැ යම් කතාවක් ඉරිදා ලංකාදීපයේ කොටස් වශයෙන් පලවෙනවා.

    ReplyDelete
  7. තමිලිනී ගේ පොත නම් හොයාගෙන කියවන්ඩ ඕනේ. මෙහෙට ගෙන්න ගන්ඩ විදියක් නෑ (කාන්තාරේ අපිට ඇඩ්රස් නෑ )

    ReplyDelete
  8. මාණික්කාවත ආරම්භය හා හුඟක් දුරට යනකම් ඉතා හොඳ නවකතාවක්. ඒත් අවසානය ඒ කොලිටි එකේ නෑ

    අනිත් පොත කියවා නෑ

    ReplyDelete
  9. තමලිනීගේ පොත ලංකාදීපේ දියතේ කොටස් හැටියට පලවෙනවා නේද. මමත් කියවනවා. මම හිතාගෙන හිටියේ හැලපයියා ලංකාවේ ඉන්නේ කියලා. කමක් නෑ ආව දවසක හම්බ වෙමු. මම කලින් දවසක ඇහුවෙ ජේ.ටී. කොඩිතුවක්කු, මහාචාර්ය සුනන්ද මද්දුම බන්ඩාර ඒ අය මගේ හොඳ හිතවත්තු.

    ReplyDelete
  10. තමිලිනී තුළ තමිලිනී නැති බව නම් පොත කියවා හමාර කළ මට හැඟුනි

    ReplyDelete
    Replies
    1. තමලිනී තුල තමලිනී විනාශ වී තිබීම සතුටට කරුණක්.

      Delete
  11. අය්යා, දුර රටවල් වල ඉන්න අපේ හිත රිදෙන වැඩක් මේක, සින්හල පොත්, විශේෂයෙන්ම අලුත් ඒව මිස් වෙනකොට හිතට අමාරුය්

    ReplyDelete